Zëvendësministri i Shëndetësisë i Iranit ka rezultuar pozitiv në testin për koronavirusin, ndërkohë që autoritet iraniane kanë raportuar se 15 persona kanë humbur jetën nga virusi.
Një zëdhënës i ministrisë së Shëndetësisë konfirmoi se Iraj Harirchi ishte infektuar me Covid-19 dhe ndodhet në karantinë.
Presidenti Hassan Rouhani, ndërkohë, u bëri thirrje iranianëve që të mos u frikësohen, duke thënë: “Ne do ta mposhtim virusin”.
Zyrtarët kanë raportuar 95 raste të konfirmuara që nga java e kaluar, por numri aktual mendohet të jetë shumë më i lartë, raporton BBC.
Organizata Botërore e Shëndetësisë ka thënë që rritja e papritur e rasteve në vend është “thellësisht shqetësuese”.
Ka pasur më shumë se 80,000 raste të raportuara të Covid-19 në të gjithë botën dhe 2.700 vdekje të lidhura me virusin u shfaq në fund të vitit të kaluar. Shumica dërrmuese kanë qenë në Kinë. /BoldNews/
https://www.youtube.com/watch?v=4AX4dbXIsSw&feature=emb_logo
Shfaqja e fundit e zëvendësministrit të infektuar me koronavirus
