Ish-Presidenti egjiptian Hosni Mubarak, në krye të Egjiptit për gati 30 vjet, nga viti 1981 deri në 2011, humbi jetën. Sipas mediave lokale, Mubarak u shua në moshën 92 vjeçe në Spitalin Ushtarak Maadi në Kairo.
I lindur lindi në vitin 1928, Mubarak, i cilësuar nga mediat dhe si diktator i Egjiptit, mori presidencën pas vrasjes së Presidentit Anwar Sadat në Tetor 1981.
Hosni Mubarak, i rrëzuar nga drejtimi i Egjiptit nga revolucioni i Janarit 2011, u dënua në vitin 2012 me burgim të përjetshëm për korrupsion dhe për urdhërimin e eleminimit të 239 kundërshtarëve. Në vitin 2017, ai u lirua nga të gjitha akuzat dhe dënimet pas shqyrtimit të gjykimeve të kërkuara nga avokatët e tij.
I liruar nga akuzat për krimet më të rënda, ato të kryera nga regjimi kundër qytetarëve egjiptianë, ngjarjet e ditëve të revolucionit në të cilat vdiqën dhjetëra demonstrues, ai u shpall fajtor për krime të vogla të korrupsionit, për të cilat iu ndalua të largohej nga vendi. /Boldnews/
