Dëmtimi në mollëzën e faqes e detyron mbrojtësin Lorenc Trashi, të qëndrojë disa kohë jashtë fushave të lojës.
Për pasojë mungesa e tij ditën e premte në ndeshjen kundër Tiranës është e sigurt. Mbrojtësi i majtë sot pritet të lërë spitalin, ndërkohë që do të qëndrojë disa ditë pushim. Në krahun e majtë si zëvendësues i 27-vjeçarit , tekniku Sormani pritet të aktivizojë shkodranin Esin Hakaj.
Në krahun tjetër, për skuadrës ne Tiranës pritet rikthimi i sulmuesit kryesor të skuadrës Michael Ngoo, i cili ka kaluar gjendjen gripale dhe pritet ta startojë ndeshjen nga minuta e parë.
Gjithsesi Egbo, është i shqetësuar për gjendjen fizike të Elton Cales dhe Agustin Torassas, pjesëmarrja e të cilëve në ndeshje nuk është e garantuar.
