Shkollës jo-publike “Udha e Shkronjave” do t’i hiqet licenca, pasi pezulloi mësimin për dy javë nga frika e përhapjes së epidemisë “Coronavirus”.
Lajmin e ka bërë të ditur vetë ministrja e Arsimit, Besa Shahini përmes një ragimi në rrjetet sociale.
Shahini bëri të ditur se shkollat mbyllen vetëm me urdhër të ministrit, ndërkohë që për drejtuesit e shkollës private do të ndiqen penalisht për shkak se kanë përhapur panik.
Postimi i Besa Shahinit:
Shkolla mbyllet jashtë planit të vitit shkollor VETËM me urdhër ministri. Udhëheqësit e një shkolle private kishin vendosur të mos respektonin këtë dhe e kanë mbyllur shkollën për 2 javë. Në kushte të kësaj paligjshmërie, jemi të detyruar që shkollës t’ia heqim licencën.
Nxënësit do të transferohen në një shkollë tjetër. Ndërsa udhëheqësit e shkollës që përhapin panik duke mbyllur shkollën në mënyrë të jashtëligjshme, për gjoja parandalim të një situate virale e cila NUK ekziston në Shqipëri, duhet të ndiqen nga organet e drejtësisë.
