Koronavirusi tashmë përveç Azisë, po përhapet me shpejtësi edhe në Evropë, pasi në Itali u shënua viktima e tretë duke e bërë vendin e katërt të numërit më të lartë të viktimave jashtë Kinës.
Ndërkohë në Kinë janë shënuar edhe 150 viktima të tjerë nga kjo epidemi, duke e çuar numrin e vdekjeve në shkallë vendi në 2.582, sipas Komisionit Kombëtar të Shëndetit të Kinës (NHC).
Të gjitha vdekjet, përveç një rasti, ishin në provincën Hubei, epiqendrën e shpërthimit të virusit, shkruan CNN.
Numri global i vdekjeve është tani në 2,619, me 27 vdekje të raportuara jashtë territorit të Kinës:
Irani: 8 vdekje
Koreja e Jugut: 7 vdekje
Japoni: 4 vdekje
Itali: 3 vdekje
Hong Kong: 2 vdekje
Filipinet: 1 vdekje
Francë: 1 vdekje
Tajvan: 1 vdekje
Numri i infeksioneve rritet
Rastet e konfirmuara në territorin e Kinës u rritën me 409 të tjerë ditën e dielë më 23 shkurt, me 398 prej tyre në provincën Hubei. Në Kinë tani ka 77.150 raste të konfirmuara, duke e çuar në total në 79.356 numrin e të infektuarve në të gjithë botën.
Sipas Kombëtar të Shëndetit të Kinës, 24.734 pacientë në territorin e Kinës janë shëruar dhe janë larguar nga spitali.
