Kryeministri bullgar Boyko Borisov po hethet nga antikorrupsioni pasi ndaj tij ka dyshimet se është i përfshirë në riciklimin e parave në nivel ndërkombëtar, ky si destinacion ka qënë qyteti i Barcelonës. Denoncimi është bërë në policinë katalanase, sipas të cilës ka indicie që dyshimet të jenë të vërteta.
Sipas medias spanjolle “EL PERIÓDICO” përfituesi kryesor është Borislava Yovcheva, një modele bullgare, e cila dyshohet se ka lidhje me Borisov. Yovcheva dhe babai i saj, një elektricisti i vjetër janë pronarë të dy kompanive në Barcelonë: Numin Invest SL dhe EMA BGS SL, të cilat rikuperojnë më shumë se një milion euro në vit që prej 2013.
Mes janarit dhe qershorit 2013, ish-modelja ishte administratorja e vetme e asaj kompanie, e cila kishte një kapital prej 3 000 eurosh. Që atëherë, atë pozitë e ka zënë babai i tij, Georgi Yovchev, i cili kontribuoi me 3 006 euro të tjera. Hulumtimi zbuloi ekzistencën e një kompanie të dytë: EMA BGS SL, që ka në pronësi një dyqani luksoz veshjesh në Paseo de Gràcia. EMA BGS SL, në të cilën kanë pjesë edhe ish-modelja dhe i ati është me qendër në vilën ku jetonte familja.
Babai deklaronte se banonte në shtëpi, së bashku me gruan, vajzën dhe nipin e tij, lindur në vitin 2012. Hetuesit theksojnë në raportet e tyre se kujdestari i vetëm ligjor i fëmijës është Borislava Yovcheva dhe në dokumentacion nuk figuron prindi tjetër.
Dyshohet se mes ish-modeles dhe kreut të qeverisë bullgare ka pasur një marrëdhënie sentimentale me ish-modelin, të cilën vetë ai e ka mohuar teksa po intervistohej për TV Eurocom.
Vila Esplugues
E fotografuar nga agjentët e krimit ekonomik, vila është rezidencë me siguri të nivelit të lartë, e vendosur në një zonë banimi në Esplugues de Llobregat. Prona është blerë për tre milion euro në vitin 2013 në emër të Numin Invest SL.
Gjurmë akoma më të hershme
Në fund të vitit 2015, në një regjistrim që i ishte bërë ish-gjyqtares së shkarkuar nga qeveria bullgare, Vladimira Yaneva, përmendet edhe një shtëpi në Barcelonë. Ky detaj del mes bisedave të bëra për disa raste të abuzimit me pushtetin dhe Borisov përmendet si blerësi i shtëpisë, ku do të “vendosej dashnorja”.
Komisioni Evropian, në raportin e tij për Bullgarinë në vitin 2016, tha se skandali i regjistrimit, i njohur si Yanevagate, “nxiti polemikën ekzistuese” për situatën e drejtësisë në vend.
Borisov, Batmani i Ballkanit
Pas një viti kërkime, policia katalanase konkludon se janë bërë investime në vend që tejkalojnë pesë milion euro. Agjentët e krimit ekonomik ende nuk kanë gjetur të dhëna për të justifikuar investimet e ish-modeles dhe babait të saj.
“Qiraja” e Kryeministrit
Ndërkohë ka nisur puna për të rishikuar të ardhurat e kryeministrit për të verifikuar nëse ai ka mundësi financiare për të investuar në dy kompanitë në Spanjë. Deri më tani rezulton se nga të ardhurat e deklaruara diçka e tillë është thjesht…e pamundur.
