Paulo Dybala është një nga lojtarët më të rëndësishme për Juventusin, i cili përveç golave të rëndësishëm që shënon, gjithashtu së bashku me Pjaniç marrin përsipër detyra organizative të lojës.
Ndërsa në fushën e lojës situata është mëse pozitive, e njëjta gjë mund të thuhet edhe në aspektin privat të jetës së tij.
Kështu ylli argjentinas ka marrë një dedikim mjaft romantik në rrjetet sociale, nga ana e të dashurës së tij Oriana Sabatini, e cila e ka cilësuar lidhjen me Dybalën, si një ëndërr nga e cila nuk dëshiron të zgjohet kurrë.
“Ndonjëherë ke aq shumë dashuri që nuk futet më në trupin tënd, sa nëse nuk bën asgjë me të, do të shpërthejë. Ja kështu më ke fituar. Më bën të ndihem kaq mirë, sa këto ndjenja janë normale vetëm në ëndrra. Nëse kjo është një ëndërr, atëherë nuk dua të zgjohem”, – shkroi këngëtarja dhe modelja argjentinase për Dybalën.
