Kryetarja e LSI-së, Monika Kryemadhi ka dalë në mbështetje të protestës së Presidentit Ilir Meta, më 2 Mars. Kryemadhi, gjatë fjalës së saj nga Shkodra, u ndal dhe te denoncimi i Presidentit Meta ndaj Ministres së Drejtësisë Etilda Gjonaj, për të cilën kreu i shtetit paralajmëroi kallëzim në SPAK dhe i kërkoi dorëheqjen.
2 Marsi
“Unë do marrë pjesë si qytetare në 2 Mars, jo se jam me Metën. Unë do jem në bulevardin Dëshmorët e Kombit në 2 Mars si një nënë që fëmijët e saj do ti shikoj në shtëpi, si një bashkëshorte që do të jetojë e qetë vitet që i kanë mbetur në familje, si një bijë që do të garantojë shërbim ndaj prindërve që janë në pension që su del as një ilaçe dhe jo të vishen, mbathen e ushqehen. Si një motër që ka vëllain e papunë dhe po bën gati valixhet të shkojë në emigracion”, tha Kryemadhi, e cila kritikoi Metën se kur bashkëpunoi me PS, “su tregua i vëmendshëm për të mos lejuar kapjen e sistemit”.
Etilda Gjonaj
“Akoma sot nuk kemi një përgjigje nga ministrja jonë bukuroshe dhe që ta dinë shqiptarët, ka dhe lidhje familjare me Presidentin se pse ka falsifikuar protokollin e ministrisë së Drejtësisë… Një ministreshë që ndërton jetën e saj mbi fëmijët e shqiptarëve, siç ka vjedhur protokollin, ashtu ka vjedhur edhe pronat e shqiptareve, një halabake rrugësh. Halabake, kur arrin guximin të falsifikosh të drejtën e Presidentit, një njeri që s’ka përgjegjësinë më të vogël ndaj PS dhe jo më ndaj qytetarëve, imagjino çfarë mund të bëjmë me të drejtat tona dhe fatin e shqiptareve. Veprimi s’është thjesht për Arta Vorpsin, por për të marrë Gjykatën Kushtetuese”, tha Kryemadhi.
Konferenca e donatorëve
Lidhur me Konferencën e Donatorëve, Kryemadhi kujtoi se ka thithur më shumë borxhe se sa donacione. “Kryeministri i premtoi qytetarëve donacione dhe i solli borxhe”, deklaroi.
Kryemadhi thumbon ambasadorët
Kryemadhi thumbon ambasadorët: 2 marsi, shumë i rëndësishëm për ndërkombëtarët
