Mdahet nga jeta në moshën 52-vjeçare kryetari i Bashkisë së Rrogozhinës Haxhi Memolla. Raportohet se kryebashkiaku socialist ka pësuar infarkt. Haxhi Memolla, e mori detyrën e kryebashkiakut të Rrogozhinës, pas votimeve të 30 qershorit.
Raportohet se Memolla ka udhëtuar ditën e sotme drejt Peshkopisë për të parë përballjen e ekipit të Rrogozhinës, “Egnatia”, me atë të vendasve, “Korabi”. Mirëpo gjatë pushimit të ndeshjes, Memolla është zhvendosur për të pirë një kafe në një nga lokalet e zonës, ku edhe ka pësuar goditjen në zemër. Kryebahskiaku i Rrogozhinës ka pësuar infarkt në zemër dhe pavarësisht ndihmës mjekësore nuk ia dalë dot mbanë që t’i mbijetojë sulmit.
