Operacioni Forca e Ligjit i ka dërguar sot formularët e vetëdeklarimit dy shtetasve me banim në Lezhë, në kuadër të operacionit anti-KÇK që nisi gati tre javë më parë.
Sipas zëdhënëses së OFL-së, në zbatim të detyrave të përcaktuara në Aktin Normativ, OFL u ka dërguar kërkesat për vetëdeklarim të pasurisë, shtetasve: Edmond Sufja dhe Astrit Limani banues në Lezhë, të dënuar për trafikim të lëndëve narkotike.
Këta shtetas, si subjekt i Ligjit Special, brenda 48 orësh duhet t’u përgjigjen me shkrim të gjitha pyetjeve të OFL-së. Më pas, përgjigjet e marra do t’i dërgohen SPAK-ut, për veprime të mëtejshme.
