Një krim makabër ka tronditur Australinë. Rowan Baxter, lojtar i ragbit dogji të gjallë bashkëshorten, tre fëmijët dhe veten duke lyer makinën me benzinë e duke i vënë flakën.
Prindërit e Hannas, në një intervistë për mediat australiane, kanë zbuluar detaje tronditëse. Ata kanë treguar se vajza e tyre dhunohej nga bashkëshorti.
“Nëse nuk kryenin marrëdhënie çdo natë, ai e kërcënonte me fëmijët”, treguan prindërit e 31-vjeçares.
Ata treguan se vajza e tyre kishte frikë nga bashkëshorti dhe gjithçka e bënte për hir të fëmijëve. Mamaja e kishte këshilluar Hannan ta denonconte në polici bashkëshortin, por ajo trembej se kjo gjë do e inatoste më keq.
Të mërkurën ai kreu krimin makabër duke i vënë flakën makinës brenda të cilës ndodhej e gjithë familja: Rowan, Hannah, 31 vjeç dhe tre fëmijët Aaliyah, 6 vjeç, Trey, 3 vjeç dhe Laianah, 4 vjeç.
