Rey Manaj ka plotësuar ëndrrën e tij teksa është grumbulluar nga skuadra e parë e Barcelonës duke u stërvitur me disa prej lojtarëve më të mirë në botë.
Sulmuesi shqiptar kaloi në merkaton e janarit nga Albacete-s te Barcelona B, ndërkohë që prej disa ditësh është duke u stërvitur me ekipin e parë.
Manaj shpreson që të marrë debutimin me ekipin e parë, pasi më parë u thirr në ndeshjen me Getafen, por qëndroi në stolin e rezervave. 22-vjeçari ka një marrëdhënie shumë të mirë me lojtarët e tjetër të Barcelonës, teksa kjo duket edhe në stërvitje ku shihet gjithmonë duke qeshur.
Së fundmi ka qenë mesfushori Ivan Rakitiç, i cili ka postuar një foto me Manajn në “Instagram”, të cilën e shoqëron me shkrimin “Hajde vëlla”, duke treguar edhe marrëdhënien shumë të mirë që ka mes shqiptarëve dhe kroatëve.
