Rreth 5 mln lekë të vjetra janë grabitur në një banesë në Finiq të Sarandës këtë të premte. Burime zyrtarë nga policia lokale bënë me dije se autorët kanë hyrë në banesën ku jetonte një e moshuar dhe kanë marrë sasinë e parave.
“Në orët e para të mëngjesit të sotëm, në Finiq të Sarandës, 3 persona ende të pa identifikuar janë futur në banesën e shtetases A.Ç., 77 vjeçe dhe kanë arritur të vjedhin një shumë të ardhurash prej 3500 euro si dhe 2 aparate celularë. Është ngritur një grup hetimor i cili po merret me zbardhjen e ngjarjes si dhe për identifikimin dhe kapjen e autorëve. Materialet i kaluan Prokurorisë për veprime të mëtejshme për veprën penale ‘Vjedhje me dhunë’”, njoftoi policia.
