Biznesmeni i njohur tepelenas Elton Ilirjani, i cili është shfaqur hapur për orientimin e tij seksual, ishte së fundmi i ftuar në emisionin “Shqipëria Live”. Ai ka treguar se në vitin 1991 i ka nisur letër një mashkulli ndërmjet një shoku, teksa ndodheshin në bilardo.
Ai ka treguar se është shfaqur gjithmonë hapur dhe se miqtë e tij nuk kanë reaguar keq. Po ashtu ai ka rrëfyer se ofendimet më të shumta i ka marrë nga LGBT që kanë imazhe të fshehta.
“Në vitin 1991 në Tepelenë i kam nisur një letër dashurie një mashkulli dhe ia kam nisur me një shokun tim në bilardo ku ishin të gjithë meshkujt. Nuk kam qenë asnjëherë i fshehtë. Shqiptarët po i ngacmove tek bërthama e tyre nuk të bien në qafë. Nuk reaguan keq. Nuk është diskriminim kur habiten njerëzit. Nuk më ka ofenduar asnjë. Ofendimet më të shumta i kam marrë nga LGBT vetë që kanë imazhe të fshehta. Nuk duhet bërë dramatike. Shqipëria është vend më mëndjehapur se Serbia, Maqedonia e Veriut, Kosova. Shqipëria nuk e ka të shtuar dhunën ndaj LGBT më shumë sesa e ka ndaj grave. Por vriten gra çdo ditë në Shqipëria. Shqipëria po bën progres me emancipimin,”- u shpreh ai.
