Lidhja me një grua të martuar, ndarja e më tej një episod dhunë ka çuar si të pandehur në Gjykatën e Beratit një 24-vjeçar, i akuzuar për veprën penale të përndjekjes.
Me një vendim dhënë disa ditë më parë, gjykata ka pranuar kërkesën e prokurorisë, duke e kaluar çështjen në gjykim themeli. I riu është hetuar në gjendje të lirë.
Kallëzimi
Sipas hetimeve, në datën 29.05.2019, ka paraqitur kallëzim penal Xhoela (Boldnews nuk publikon emrin e kallëzues në mbrojtje të privatësisë) ndaj bashkëmoshatarit të saj tanimë i pandehur, pasi ka pretenduar se është shqetësuar vazhdimisht nga ky shtetas, me të cilin ka pasur më parë një lidhje dashurie. Në kallzimin e saj, Xhoela ka shpjeguar se është e martuar me shtetasin X.X., me të cilin nuk bashkëjeton dhe kanë nje vajze te moshes 5-se vjeçare. Përpara 6-te vitesh është njohur me të pandehurin, dhe para një viti është ndarë me këtë person për arsye xhelozie. Përpara tre muajsh nga kallëzimi, ka marrë vesh se ai kishte nje lidhje tjeter dhe ka vendosur te mos vazhdojë më me të. Në atë kohë ka pasur debate me fjalë me 24-vjeçarin në lidhje me ndarjen me të. Pas këtij momenti ka ikur në Greqi tek vellai i saj dhe ka qëndruar tre muaj ku ka punuar në bujqesi. Në datën 06.03.2019 është kthyer nga Greqia pasi ka kaluar afati tre mujor i qëndrimit atje dhe ka shkuar tek babai i saj, ku ka qëndruar rreth një muaj. Më pas ka ardhur në Berat ku ka marrë një banesë me qera në qytet dhe deri aktualisht. Në datë 27.05.2019 në drejtim të telefonit të saj i kanë ardhur tre sms, me përmbajtje fyese dhe kërcënuese. Ndër sms me përmbajtje fyese, autori i ka shkruajtur:“sa ke për të vuajtur ti sot, shpirti jot e di ç’ka per tëhequr”.
Kallëzuesja i ka bere bllok me telefon, pasi ka menduar se ishte 24-vjeçcari, pasi ishte i vetmi person ku dyshonte nga sms e tija. Nëdt 28.05.2019, rreth ores 11.00 te paradites ka qenë duke ecur në rrugë për të kërkuar punë, dhe ka parë nga pas që 24-vjeçari po e ndiqte vazhdimisht dhe po i binte telefonit me numër privat. Në një moment, ai i ka ardhur nga pas dhe e ka kapur nga flokët dhe në këtë moment i ka thënë që ta lërë rehat se nuk kishte punë me të. Ne kete moment e ka shtyre dhe Xhoela ka hyre ne nje lokal dhe ka kerkuar uje per te pire. Ai është larguar në këtë moment duke i thënë që të mos e lajmëronte policinë dhe ai do të zhdukej nga jeta e saj. Më pas kallëzuesja ka marrë në telefon policinë e Beratit ku ka kërkuar ndihmë.
“Kam pasur qëllime serioze”
Në deklarimin e tij si person nën hetim shtetasi 24 vjeçari ndër të tjera ka shpjeguar se e njeh Xhoelën pasi kanë pasur nje lidhje te gjatë dashurie. Ai ka shpjeguar se nuk ka patur qëllime të këqia ndaj saj por qëllime serioze për tu’ martuar me të.
Është kryer këqyrja e telefonit e shoqëruar me fotografi të Xhoelës. Është administruar në dosjen penale dhe tabela fotografike e këqyrjes së telefonit, prej ku rezultojnë mesazhet e të pandehurit.
Ballafaqimi
Më 11.09.2019 eshte realizuar ballafaqimi mes 24-vjeçarit dhe Xhoelës, ku keta dy shtetas i kanë qendruar thenieve te meparshme ne deklarimet e dhena si dhe shtetasja Xhoelës ka shtuar se ky shtetas nga momenti qe ka paraqitur kallzim penal ky shtetas nuk e ka ngacmuar apo perndjekur me. Është ripyrtur si person nen hetim 24-vjeçari i cili ka deklaruar se i qëndron deklarimeve të dhena me parë dhe se une nuk ka pasur qellime te keqija, ndaj saj po qellime serioze per t’u martuar me te.
“Jam kërcënuar sërish”
Pas realizimit të ballafaqimit si më sipër në datë 27.09.2019 është paraqitur sërish në komisariatin e policisë Xhoela, e cila ka kerkuar te behej keqyrje e telefonit te saj,pasi ka pretenduar se 24-vjeçari e kishte kercenuar sërish nepermjet sms ne telefonin e saj. Nga ana e shërbimeve të policisë gjyqësore është kryer këqyrje e telefonit dhe është shoqëruar me fotografi. Objekt këqyrje ka qenë numri i telefonit të të pandehurit, i 24-vjeçarit, 06*21**, i cili ka dërguar një numër të madh sms ne drejtim te numrit 06*97** të kallëzueses Xhoelës. Përmbjatjet e sms-ve janë kryesisht fyese dhe kërcënuese, të cilat janë evidentuar në mënyrë më të plotë në procesverbalin përkatës. Gjithashtu, i pandehuri i ka shkruar edhe në rrjetin Whats App, ku ka vazhduar kërcënimet.
Është administruar kthimi përgjigjes nga kompania ku është kryer kqyrja e CD-ve. Gjatë kqyrjes u konstata se më dt 27.05.2019 numri celular i të pandehurit ka kryer thirrje në drejtim të numrit të Xhoelës në orën 13.44.25—13.45.02—13.45.43—13.45.42—-13.45.44—13.45.46 e në vazhdim, ku ka disa thirrje të tjera.
© BoldNews
