Një ngjarje e paprecedentë ka ndodhur në një ndeshje të Divizionit të dytë në Francë, mes skuadrës së Tervilles dhe Soetrich.
Një futbollist i Tervilles kafshoi kundërshtarin në organin gjenital në një zënkë pas ndeshjes dhe e ka detyruar atë të bëjë 10 qepje. Dënimi për të ishte 5 vjet skualifikim për lojtarin agresor.
Sherrin me skuadrën kundërshtare e nisi po agresori, ndërsa kundërshtari një ndër lojtarët më të qetë, u mundua të hynte në mes dhe të sheshonte keqkuptimet, por ai e pësoi më keq.
Ngjarja në fjalë ka ndodhur më 17 nëntor të vitit të kaluar, ndërsa siç raportojnë mediat lokale, Komisioni i Disiplinës nuk dinte si të reagonte ndaj këtij rasti unikal ndërsa në fund u mor dhe vendimi për pezullimin për 5-vjet të lojtarit.
