Ervin Mete është emëruar në krye të Autoritetit të Mbikëqyrjes Financiare. Vendimi është marrë sot në mbledhjen e Këshillit të Ministrave.
Ervin Mete më herët mbante postin e zëvendësministrit të Financave dhe është liruar nga kjo detyrë në 22 maj të 2017-ës. Në shtator të vitit që lamë pas Mete u zgjodh nga Kuvendi në krye të Bordit të AMF-së.
Tashmë Ervin Mete do të drejtojë AMF-në, duke i zënë vendin Ervin Koçit, të cilit i mbaroi mandati. Ervin Koçi, u emërua në këtë post më 6 prill 2017, pas shkarkimit të drejtueses së këtij institucioni Enkelejda Shehi.
Përpara se të emërohej si kreu i AMF-së, Koçi ka qenë deputet i Partisë Socialiste.
