Një autobus i linjës “Tirana e Re” në kryeqytet është përplasur me një mjet të Policisë Rrugore mëngjesin e sotëm.
Aksidenti është regjistruar rreth orës 07:25, në rrugën “Dritan Hoxha”.
Si pasojë e përplasjes dhe frenimit të menjëhershëm të autobusit kanë mbetur të dëmtuar tre pasagjere në autobus, F.D 53 vjeçe, S.GJ, 65 vjeçe dhe V.M 48 vjeçe
Të aksidentuarat janë transportuar për në spital dhe ndodhen nën kujdesin e mjekëve, jashtë rrezikut për jetën.
Grupi hetimor dhe shërbimet e Policisë ndodhen në vendngjarje dhe vijon puna për zbardhjen e rrethanave të ngjarjes.
