Babë e bir janë vënë në pranga nga policia e Durrësit pasi akuzohenër veprat penale “Prodhimi dhe shitja e narkotikëve” dhe “Mbajtja pa leje e municioneve luftarake”.
Bëhet fjalë për shtetasit I. Ç., 57 vjeç dhe B. Ç., 29 vjeç (babë e bir), banues në Durrës.
Fillimisht uniformat blu kanë vënë në pranga 29-vjeçarin në lagjen Nr. 1, Durrës dhe në cilësinë e provës materiale kanë sekuestruar disa doza me kokainë.
Sipas policisë, “pas kontrollit në banesën e babait të tij (shtetasit I. Ç.) u gjetën dhe sekuestruan në cilësinë e provës materiale: 2 automjete të tipit “Benz Ml” dhe “Volkswagen”, të cilat përdoreshin në funksion të aktivitetit, 2 peshore elektronike, 1 krehër automatiku me 17 fishekë, radio policie, 2 palë targa, si dhe një shumë parash të përfituara nga shitja e lëndës narkotike.”
Materialet i kaluan Prokurorisë së Rrethit Gjyqësor Durrës.
