Një 26-vjeçar është vënë në pranga në kuadër të operacionit “Trajektorja”.
Bëhet fjalë për shtetasin me F. S., banues në Tiranë.
Sipas policisë ky shtetas i ka blerë 4 byzylykë floriri, grabitësit nga Durrësi, Astrit Thaçit, të cilat i kishte vjedhur tek argjendaria në qytetin e Elbasanit.
Ai akuzohet për veprat penale “Përvetësimi i parave ose i mallrave që rrjedhin nga vepra penale ose veprimtaria kriminale” dhe “Fshehja e të ardhurave”.
Materialet hetimore i kaluan Prokurorisë pranë Gjykatës së Shkallës së Parë Elbasan.
Astrit Thaçi u vu në pranga mbrëmjen e të shtunës pasi rezultonte autori i 8 grabitjeve në Durrës, Elbasan dhe Tiranë.
Ndërkohë mesditën e djeshme u arrestua dhe një 20-vjeçare e cila rezultonte si bashkëpuntore e Astrit Thaçit, e cila e ndihmonte atë për t’i shpëtuar policisë.
