I gjithë territori shqiptar sot (e premte, 14 shkurt) pritet të karakterizohet nga një mot me reshje shiu.
Sipas IGjEUM, në të gjitha qarqet priten reshje mesatare ose lokalisht mesatare, ndërsa në qarqet Vlorë dhe Gjirokastër priten reshje mesatare deri lokalisht intensive (siç tregohet në tabelë, respektivisht për secilin qark).
Në zona të kufizuara të qarqeve, reshjet do të jenë në formë shtrëngate, më të mundshme në terrenet malore.
Në Veri dhe në Lindje, në zonat mbi 600 m mbi nivelin e detit, reshjet pritet të jenë në formën e dëborës.
Temperaturat minimale dhe maksimale të ajrit pritet të arrijnë:
në bregdet: 9 / 13 °C
në vendet e ulëta: 7 / 11 °C
në vendet malore: 2 / 9 °C
Era pritet të fryjë e lehtë deri mesatare.
