Punonjësit e nënstacionit elektrik dhe stacionit të pompimit në Pocem të Mallakastrës vijojnë grevën e urisë.
Aktualisht jane 14 punonjës në grevë urie. Dje njëri prej tyre ka pasur dhe komplikacione me shëndetin. Pasi ka marrë ndihme mjekësore ai eshte rikthyer përsëri në grevë.
Mësohet se natën e djeshme në orën 00:00 ka patur dhe kontrolle për të verifikuar grevën e tyre. Gjithashtu mësohet se pjesë e vizitës ka qenë dhe një punonjës i prefekturës së Fierit.
Deri tani ata nuk kanë marrë asnjë përgjigje për zgjidhjen e situatës.
Mësohet se punonjësit nuk kanë stakuar energinë dhe ujin.
Ata kërkojnë pagat e tyre të cilat nuk i kanë marrë prej 27 muajsh.
