Janë tetë emra që do të vijojnë garën për tu zgjedhur në krye të Byrosë Kombëtare të Hetimit.
“Komisioni i Përzgjedhjes për Drejtorin e BKH-së ka përfunduar vlerësimin e testit të aftësive fizike, testit të arsyetimit logjik dhe të aftësive për të shkruajur raporte dhe ka llogaritur pikët totale për secilin kandidat, për të identifikuar kandidatët më të mirë për Drejtor të BKH-së, që do të marrin pjesë në fazat e tjera të përzgjedhjes. Komisioni mbeti shumë i kënaqur nga cilësia dhe performanca e aplikantëve, dhe si pasojë ka vendosur që të rrisë numrin që do të konkurrojë në fazat e fundit nga 6 në 8 kandidatë”, thuhet ne një njoftim të kreut te SPAK, Arben Kraja.
Kandidatët e kualifikuar që vijojë konkurrimin:
- Aida Veizaj – Ish-Drejtuese e Departamentit për Kufirin dhe Migracionin;
- Ardian Çipa – Ish-zv/drejtori i Përgjithshëm i Policisë së Shtetit;
- Artur Beu – Zyrtar i Interpolit;
- Ervin Hodaj – Ish-drejtor i Policisë Tiranë;
- Gentjan Shehaj – Ish-drejtuesi i Policisë së Vlorës;
- Lindita Nushi – Ish-drejtore e kufirit Durrës;
- Idajet Faskaj – Zyrtar i lartë i Policisë;
- Ylli Pjetërnikaj – Prokurori i komanduar në Tiranë, ish-drejtues i komanduar i Prokurorisë Shkodër.
