Struktura e Posaçme Antikorrupsion (SPAK) ka sekuestruar pasuritë e shtetasi shqiptar, Bledar Seferi (Hakorja) që ka bashkëpunuar me trafikantin italian të identifikuar si Giovanni di Cosimo.
Ata janë akuzuar për veprat penale të “Trafikimit të narkotikeve”, “Pastrimi i produkteve të veprës penale ose veprimtarise kriminale” dhe “Grupi i strukturuar kriminal”
Në kuadër të ligjit antimafia, Bledar Seferit, që ka bashkëpunuar me italianin Giovanni di Cosimo, i janë sekuestruar:
Një fabrikë për prodhimin e lëndëve plastike në Shijak, Durrës.
Asetet, aksionet/kuotat dhe pasuritë e subjektit “REY PLASTICA” sh.p.k. me NIPT L71325502Q, me status aktiv. Pasuria e llojit Arë+Truall me sipërfaqe 5954 m², nga kjo sipërfaqe ndërtesë 3070 m², ndodhur në Durrës.
Në këtë pasuri ushtron aktivitetin subjekti “REY PLASTICA” sh.p.k. Pasuria e llojit ullishtë me sipërfaqe 6550 m², ndodhur në Tiranë.
Automjetet e markës “Fiat”, modeli 500, viti prodhimit 2008 dhe markës “Land Rover”, modeli RANGE ROVER, viti prodhimit 2014; Automjet i markës “AUDI”, modeli A2, viti prodhimit 2001;
Automjet i markës “Fiat”, modeli 500L, viti prodhimit 2014; Automjet i markës “Mercedes Benz”, modeli B180 CDI, viti prodhimit 2012;
Llogari bankare në shumën 3.103.244 lek.
Llogari bankare në shumën 21.022 euro.
Kjo ka ardhur si rrjedhojë e bashkëpunimit të organeve të drejtësisë Shqipëri-Itali.
Sipas SPAK, pasuritë e italianit Cosimo dhe shqiptarit janë vendosur si pasojë e trafikut të lëndëve narkotike.
Pasuritë e sekuestruara janë marrë në administrim nga Agjencia për Administrimin e Pasurive të Sekuestruara dhe të Konfiskuara, deri në përfundimin e procesit gjyqësor për konfiskimin e tyre.
MË SHUMË PËR BLEDAR SEFERIN
Trafikanti i kokainës ka lindur Brezhdan të Dibrës, 40 vjeç.
Në vitin 2010, Hakorja është arrestuar për trafik ndërkombëtar droge, së bashku Arbri Goga, të dy rezident në Firence, ndërkohë që lëviznin në Perugia dhe Romë. Atyre iu sekuestruan 26 kg kokainë që vinte nga Brazili
Nga aksioni i karabinierëve italianë, u prangosën 26 persona, mes tyre dhe Bledar Seferi,
