Verona është kthyer në një ekip mjaft të vështirë për tu mundur dhe meritë për këtë kanë padyshim dy mbrojtësit e shqiptarë, Marash Kumbulla dhe Amir Rrahmani.
Ky i fundit në një intervistë për “Top Channel”, ka folur për disa tema përshirë edhe ndeshjen fundit kundër Juventusit, teksa Verona e fitoi 2-1 me përmbysje.
Në lidhje me këtë fitore ai deklaroi se ishte një hakmarrje për atë humbje që bardhezinjtë i shkaktuan në shtator të vitit 2019, ndërsa foli edhe për kombëtaren shqiptare dhe kosovare.
Fitorja kundër Juventusit
“Të luash ndaj këtyre klubeve është gjithmonë e vështirë. Juventus na mundi ndeshjen e parë 2-1 kështu që është pak a shumë si hakmarrje e jona”.
Objektivat e Veronës për sezonin
“Nëse një futbollist shqiptar luan mirë atëherë ai i hap derën edhe futbollistëve të tjerë edhe Lazio siç u ka hap derën futbollistëve shqiptarë edhe këtu e kanë derën e hapur. Vendimi ishte i Veronës sepse e kishim një objektiv të përbashkët që të qëndronim në Serie A, por tani mendoj se ky objektiv është rrit. Edhe pse ende nuk është e sigurt mbijetesa, duke qenë se jemi në vendin e gjashtë janë ndryshuar synimet tona”.
Ndërsa në fund qendërmbrojtësi nuk mund të mos përmendte dhe Kosovën, përfaqësuese me të cilën ai do të luajë një ndeshje shumë të rëndësishme në muajin mars.
“Kombëtaret e vogla e kanë ëndërr europianin ose botërorin dhe unë ë ëndërroja me Shqipërinë por nuk u realizua, tani pres ta arrij me Kosovën.’’
