Ditën e djeshme në mediat online u raportua se gazetarja e njohur Ilda Bejleri ka aksidentuar një 64-vjeçare pranë Drejtorisë së Policisë Tiranë.
Mediat bënin të ditur se 64-vjeçarja është goditur rëndë teksa po kalonte vijat e bardha, ndërkohë që gazetarja është larguar nga vendngjarja. Automjeti “X5” i zi sipas mediave rezulton të jetë i Ilda Bejlerit, gazetare sporti në Top Channel.
Reagimi i Ilda Bejlerit ka qenë i menjëhershëm, ajo e ka mohuar këtë lajm, duke u shprehur e habitur sesi mund të shpifet për diçka të tillë.
“Unë nuk i kuptoj dot këta gazetarët tanë? Si mund të shpifin për njerëzit kështu?!”– shkruan Ilda në Instagram.
Ndërkohë mediat kanë publikuar deklaratën e të aksidentuarës nga spitali ku po merr ndihmë mjekësore, e cila shprehet se Bejleri e ka përplasur e madje nuk i ka ofruar ndihmë pavarësisht se e ka parë të shtrirë përtokë.
Rrëfimi i zonjës E.Gj për Dritare.net
“Më hodhi dy metra tutje dhe nuk ndaloi. Ia bëra me dorë. Më pa dhe vazhdoi. Makinat ndaluan të gjitha, veç Ilda Bejlerit. Nuk e njoh po i thirrën në emër të gjithë dhe i kërkuan të qëndronte. Ajo u tha: “Pse këtu kalohet?” Pastaj ata më ndihmuan, më morën në makinë ata që i thirrën vajzës të ndalonte dhe më çuan në spital.
Këtu jam akoma. Me këmbë të thyer. Të lutem mos ma thuaj emrin se e lexon mamaja ime. Është vetëm. Hallin e saj kam, jo timin. Na u prish shtëpia në Durrës nga tërmeti dhe erdhëm këtu derisa të gjejmë zgjidhje. Këtu ndodhi kjo që ndodhi. Më shtypën në mes të ditës, më hodhën si leckë dhe nuk ndaluan të më pyesin si jam. Vajza që më shtypi është Ilda Bejleri.”
Ndërkohë, Ilda Bejleri nga ana tjetër vazhdon të mohojë se ajo e ka aksidentuar zonjën në fjalë dhe tregon se zonja është rrëzuar vetë pasi makina e Ildës ka qenë e ndaluar në atë moment.
Reagimi i Ilda Bejlerit në Instagram:
