Policia ka identifikuar autorin e plagosjes së 42 vjeçarit Rexhep Terziu në zonën e plazhit në Durrës mbrëmjen e djeshme.
Mësohet se bëhet fjalë për shtetasin Astrit Thaçi, 27 vjec, i cili është shpallur në kërkim nga policia.
Ai tentoi t’i vidhte banesën, por u diktua nga Terziu dhe më pas e plagosi në këmbë këtë të fundit.
Rexhep Terziu u transportuar me ambulancë drejt Spitalit të Durrësit dhe është jashtë rrezikut për jetën.
Astrit Thaçi nuk është një emër i padëgjuar, ai më herët ka qenë i dënuar për vjedhje në Shqipëri dhe Itali.
Sakaq, ai dyshohet të jetë dhe grabitësi i pikës së dhënies së kredive Kredo.al në lagjen nr.4 në Durrës, tre ditë më parë.
Të shtënat me armë zjarri në Durrës/ Rexhep Terziun e palgosi hajduti në shtëpi (Video)
