Duket si e pazakontë por kështu janë quajtur 4 alpinistë që u bllokuan në malin e mbuluar me dëborë nga mediat britanike. “Grupi idiotë absolutë” ishin studentët që u nisën në mes të stuhisë Ciara, të veshur me atlete dhe pa harta orientuese me idenë t’i ngjiteshin malit më të lartë të Mbretërisë së Bashkuar, Ben Nevis.
Punonjësit e ndërhyrjes së shpejtë arritën t’i shpëtonin ata nga hipotermia dhe erërat që mbërrinin shpejtësinë 130 km/h. Të pajisur shumë keq, të rinjtë që nuk kishin me vete as mjetet më minimale të alpinizmit, në një moment ishin shkëputeshin dhe nga njëri tjetri.
Ekipet e shpëtimit thonë se është “një mrekulli” që alpinistët e “çmendur” janë sot gjallë. Fatmirësisht u kujtuan të përdornin aplikacionet në telefonët celularë për të treguar vendndodhjen, e kjo i ndihmoi shumë 22 vullnetarët që u nisën t’i kërkonin, pavarësisht kushteve tejet të vështira atmosferike.
Operacioni i shpëtimit nuk ishte i lehtë dhe zgjati për një kohë jo të shkurtër, ndërkohë që ekipi i shpëtimit u përball dhe me rrezikun e rrufeve.
Të katër të rinjtë që mendohet të jenë nga Glasgoë, po marrin aktualisht trajtim në spital.
