Sapo është votuar në Parlamentin e Maqededonisë protokolli i anëtarësimit në NATO me 114 vota pro, dhe asnjë kundër. Ky është një moment historik, dhe një ndryshim domethënës për këtë vend, që kishte ngelur për shumë vite i ngrirë nga zhvillimet e brendshme dhe për shkak të mosmarrëveshjeve me Greqinë për emrin.
Eshtë pikërisht, marrëveshja që bëri me Athinën vitin e kaluar, për emrin, duke u quajtur Maqedonia e Veriut, që i hapi dritën jeshile vendit për anëtarësimin në NATO. Maqedonia do të bëhet kështu, vendi i 30 anëtar i Aleancës së Atlantikut të Veriut.
