Modelja e njohur, Oriola Marashi së fundmi thuhet se është ndaluar nga policia pasi në makinën ku ishte bashkë me dy miq të saj, janë gjetur dy qese farmaceutike me kanabis.
“GazetaSi” shkruan se në deklaratën e saj, vajza që u ndalua ka thënë se është përdoruesve e lëndëve narkotike dhe të dyja qeset i kishte për përdorim personal.
Lajmi për ndalimin e saj nga policia ka bërë bujë dhe së fundmi “BallkanWeb” ka siguruar edhe deklaratën zyrtare të policisë. Në të thuhet se një vajzë me emrin Arjola Tonin Mirashi është ndaluar më 8 shkurt rreth orës 19:20. Të dhënat e ditëlindjes përputhen me ato të modeles shqiptare, ndërsa emri i saj jo dhe nuk dihet nëse bëhet fjalë për të njëjtin person.
Njoftimi i plotë:
“Me dt.08.02.2020,u referuan materialet ne Prokurorine e Shk.Pare Tiranë, për shtetasen Arjola Tonin Mirashi,dtl.18.03.1995, sepse ne orën 19.20, në rrugën “Dritan Hoxha” ju gjet dhe u bllokua me cilësinë e provës materiale 1,9gr.lende narkotike e llojit Canabis Sativa. Neni 283/1”, thuhet në njoftimin e policisë.
Nuk dihet vërtetësia e këtij lajmi, pasi Oriola ka zgjedhur të mos reagojë dhe momentalisht ndodhet në Vjenë.
Lidhur me ngjarjen ka reaguar vetëm e ëma e modeles. Në një deklaratë për “Gazeta Shqiptare”, ajo i ka mohuar lajmet dhe thotë se vajza e saj nuk ka asnjë lidhje.
“Është një trillim i shëmtuar. Nuk ka asgjë të vërtet. Oriola nuk është ndaluar as mbrëmë as kurrë nga policia. Ajo prej disa ditësh gjendet në Vjenë ku është e angazhuar me projekte të reja në fushën e modelingut. Gjithçka është një shpifje për ta dëmtuar. Këto lajme kemi vendosur t’i ndjekim penalisht. Do të ketë një padi për cilindo që ka publikuar këtë lajm krejtësisht të pavërteta”– ka thënë Jakaj për “Gazeta Shqiptare, duke i dhënë fund lajmit të bujshëm.
Marrë nga: IconStyle
