Një shqiptar është prangosur nga policia helene gjatë ditës së sotme në zonën e Neo Manoladas.
Bëhet fjalë për një 35-vjeçar, identiteti i të cilit nuk bëhet i ditur, i cili akuzohet për një krim të tmerrshëm të kryer disa ditë më parë.
Sipas mediave greke, shqiptari hyri në një shtëpi për të grabitur para teksa aty gjendeshin dy gra, njëra 53 vjeçe dhe nëna e saj 73 vjeçare.
Fillimisht 35-vjeçari ka përdhunuar 53 vjeçaren duke i kërkuar që t’i jepnin paratë që kishin në shtëpi.
Dy gratë i kanë dhënë 500 euro, por këto nuk mjaftuan për grabitësin, i cili ka vënë në veprim një plan tjetër.
Shqiptari ka marrë 53 vjeçaren për dore duke e drejtuar për tek shtëpia e fqinjëve në mënyrë që ajo të kërkonte borxh tek ata dhe paratë t’ja jepte atij.
“Kam vendosur një bombë në shtëpi dhe do ta shpërthej”, mësohet ti ketë thënë ai gruas teksa e dërgonte tek fqinjët për të kërkuar para borxh.
Pas krimit, ai u zhduk ndërsa gratë njoftuan policinë. Au vu në pranga duke hipur në një autobus që nisej për në qytetin e Kallamatas. Shqiptari do të akuzohet për një mori krimesh si grabitje, përdhunim dhe pengmarrje.
