Ndonëse Ministrja e Arsimit Besa Shahini, vetëm pak ditë më parë, nxori një urdhër sipas të cilit ndalohet pjesëmarrja e drejtuesve të institucioneve të arsimit parauniversitar në forume partiake, duke se kjo nuk vlen për Mallakastrën. Ka qenë eksperti i arsimit në Partinë Demokratike, Ndriçim Mehmeti i cili ka publikuar një foto në rrjete sociale, të dy drejtoreshave Etilda Dishaj dhe Lindita Ymeri, që njihen dhe si komisionere dhe vëzhguese të PS-së në zgjedhje.
“Më datë 28 janar 2020, Ministrja e Arsimit, Besa Shahini, nxori një urdhër, që ndalon përfshirjen e drejtuesve të institucioneve të arsimit parauniversitar në forumet e partive politike.Por qeveria e Edi Ramës ka treguar që partia është më e rëndësishme se shteti. Në Mallakastër, urdhri i Ministres së Arsimit është sfiduar nga dy drejtoresha, anëtare të kryesisë së PS lokale atje.
Të dyja këto, Etilda Dishaj dhe Lindita Ymeri, njihen edhe si komisionere dhe vezhguese të PS në zgjedhje. Fatkeqësisht, dëmi më i madh që PS i ka bërë arsimit parauniversitar është politizimi i thellë i mësueve, duke i detyruar, në masë, të jenë përfaqësues të PS si numërues, komisionerë apo vëzhgues në proceset zgjedhore“, shkruan Mehmeti.
