Nga Ibsen Elezi
Të uroj jetë të gjatë zonja e zezë, ndryshe nga ç’e kisha menduar dikur, që ju duhet të ishit dënuar me varje si zanafillë e ndërtimit të drejtësisë në këtë vend dhe jo shenjë hakmarrje.
Jo vetëm ty por j’a uroj edhe gjithë kastës tënde, që zanafillën e ardhjes në pushtet mbrujtët me gjak shqipetarësh, këtu e në Kosovë, për të treguar servilizmin tuaj të pakufi ndaj eprorëve tuaj komunist pansllav.
Vratë e vodhët familjet e mëdha fisnike që dhanë aq shumë për këtë komb, zoti e di se shumica e koçkave dhe pasurive të tyre ku përfunduan, vratë e burgosët intelektualë të shkolluar që i vlenin këtij kombi më shumë se pasuria që vodhët. Ju nuk ishit trima por aq frikacak sa edhe eshtrat e tyre ju tmerronin, i varrosët, i zhvarrosët e i zhdukët (si eshtrat e të madhit Gjergj Fishta), kaluat Hitlerin e Stalinin, zvenitët Shekspirin e Danten.
Kanibalizmi juaj nuk ka të krahasuar.
Ju vratë elitën, se shkëlqimi i saj i verbonte një tufë bandidësh si ju ‘pa din e pa iman’, i vratë që të krijonit ‘Historinë tuaj’, ‘Elitën Tuaj’, por që elite s’do bëhej kurrë dhe historia juaj do mbetej e ndyre.
Teoria juaj ishte e pështirë, t’i fshinit nga historia, su ngopet as me brezin pasardhës e paspasardhës, duke e mos i shkolluar e denigruar, si ta dinit se strukturën gjenetike e fal zoti, se ate se besuat kurrë.
Në 45 vjet u munduat të deformoni tiparet e kombit, i latë me bark dhe mendje bosh që as të mos mendonin dot ndryshe veç ‘doktrinës’ tuaj.
I shërbyet armiqëve të kombit tonë më mirë se ata e kishin imagjinuar.
Ju nuk ishit Byroja politike siç e quanit veten por një ‘Bande Mafioze’ që s’latë pasuri pa vjedhur, kontrabandë e maskarallëk pa bërë për tu pasuruar.
Ju se kishit 90-ën, e as 92-shin, se e dinit që letrat tuaja s’do hapeshin kurrë, s’do dënoheshit kurrë as për qindra tonelata floriri të vjedhura dhe as për mijërat e jetëve të marra.
Ju ndoshta edhe 97 e kishit programuar që në 90, se të derdhni gjak shqiptari për të shpëtuar lëkurën dhe pasuritë tuaja është pjesë filozofisë tuaj, por ju s’mund të fshiheni pas Sudeve e Xhaferave si dikur, zullumi juaj është trashur shumë sa dallohet që përtej oqeanit.
Sot fytyrat tuaja nuk mund t’i lajnë shërbëtorët maskarenj që shkruajnë se sa njerëzor ishit brenda mureve të shtëpisë së lyer me gjak.
Ju ndoshta e kishit programuar që sot do ishit ‘Elita’ e vendi, se i kishit në dorë te gjitha, fundja e morët me pushkë dhe e ‘meritoni’.
Sot jeni shpalosur në 3 breza, nga Gramozi me shokë te djemtë e nipat, duke demostruar se jeni po ata, por kjo është edhe shenjë frike se e djathta e vertete në këtë vend do vij si antitezë e juaja, duke e çliruar politikën njëherë e mirë nga kthetrat tuaja 75 vjeçare.
Jetove kohën kur ‘fytyra’ e burrit e shitët në shkëmbim të lekurëve tuaja.
Tash jeto qe imazhi juaj t’ju dal në ëndërr pinjollëve të bashkëpunëtorëve që i vratë e denigruat, punë kanibalësh mes jush.
Jeto që të inspirosh njerëzit fisnik dhe të ndershëm për misionin e papërfunduar të baballarëve të tyre, të inspirosh njerëzit e ndershëm të këtij vendi se drejtësia herët a vonë do bërë.
‘Zullumi këputet nga e trasha’ kjo është shenja që tregon fundin e perandorisë tuaj, jeto aq sa ta shohësh me sytë tuaj si shenjën e ndëshkimit të Zotit në tokë
