Reali i Madridit ka fituar 1-4 kundër Osasunës, në ndeshjen e vlefshme për javën e 23-të të La Ligës.
Kryesuesve të kampionatit, iu desh të përmbysnin disavantazhin e një goli. Osasuna gjeti rrugën e rrjetës në minutën e 14-të, aty ku Unai Garcia arriti të shënonte me kokë.
Reagimi i madrilenëve do të vinte që në pjesën e parë të cilët shënuan dy herë me anë të Iscos dhe Sergio Ramos në minutat 33’ dhe 38’.
Në pjesën e dytë “Los Blancos”, bllokuan totalisht Osasunën, ndërsa shënuan edhe 2 gola të tjerë me anë të Lucas Vasquez 84’ dhe Luka Joviç 92’.
Me këtë fitore, Reali shkon në kuotën e 52 pikëve, 6-të më shumë se Barcelona e vendit të dytë por që blaugranasit kanë mundësinë ta çojë përsëri në 3 pikë diferencën pasi luajnë në orën 21:00 në transfertën e Betisit.
