Princ Harry ka folur në lidhje me vendimin që ka marrë për tu larguar nga mbretëria me familjen e tij.
Në Samitin e Investimeve Alternative të sponsorizuara nga JPMorgan në Miami, Florida, një burim i Harry-t u shpreh për “The Indipendent ” se ai ka filluar të marrë sërish ndihmë nga ekspertë të shëndetit mendor, pasi presioni publik ka ndikuar jashtë mase mbi të. Ndër të tjera, Harry ka prekur edhe temën MEGXIT, duke u shprehur se ka qenë vendimi më i vështirë që kanë marrë si çift por iu deshtë merrte këtë vendim për të ardhmen dhe që djali i tij të mos kalonte ato që ka kaluar Harry.
“Harry foli për shëndetin mendor dhe mënyrën se si ai ka qenë në terapi vitet e fundit për të provuar të kapërcejë traumën e humbjes së nënës së tij. Ai foli për atë se si ngjarjet e fëmijërisë së tij ndikuan tek ai dhe se ai ka qenë duke folur me një profesionist të shëndetit mendor. Harry gjithashtu preku Megxit, duke thënë ndërsa ka qenë shumë e vështirë për të dhe Meghan. Ai u shpreh se nuk i vjen keq për vendimin e tyre për të braktisur familjen mbretërore sepse ai dëshiron të mbrojë familjen e tij. Ai nuk dëshiron që Meghan dhe djali i tyre Archie të kalojnë atë që ai vetë ka kaluar që fëmijë,”– thotë burimi.
Pas largimit nga detyrat e tyre mbretërore, çifti dhe Archie nëntë muajsh kanë qëndruar në ishullin Vancouver. Në janar, Princi Harry tha gjatë një fjalimi në një darkë private për bamirësinë Sentebale se ai mendonte se ai nuk kishte “mundësi tjetër”, përveçse të largohej nga familja mbretërore.
“Vendimi që kam marrë me gruan time të cilës do i shkoj pas, nuk e kam marrë me lehtësi. Kishim bisedime prej muajsh, sfidat që kalua më bënë ta ndërmerrja,”- tha ai.
