Policia greke ka ekzekutuar një operacion në Prevezë ku janë vënë në pranga një çift shqiptarësh.
Shqiptarët dyshohen si bashkëpunëtorë të tre grabitësve që shkëmbyen dje zjarr me policinë greke në Korinth.
Çifti shqiptar dyshohet se merrte makina me qera për llogari të tre grabitësve. Dyshohet se grupi i grabitësve janë të përfshirë në disa grabitje, përfshi këtu bankën e Pargës. Mësohet se ata kohët e fundit fshiheshin në Shqiperi.
Ngjarja e djeshme:
Tre shqiptarë u përfshinë dje në një shkëmbin zjarri me policinë e shteti helen. Policia ishte në vëzhgim të një mjeti i cili dyshohej se ishte përdorur në një grabitje në zonë, në qytetin e Korinthit. Sapo e ka pikasur atë dhe është vënë në ndjekje, nga mjeti është hapur zjarr. Gjatë shkëmbimit të zjarrit, janë plagosur 2 prej grabitësve, shtetas shqiptarë, ndërkohë që është arrestuar i treti.
Një prej të plagosurve është duke marrë mjekim në Spitalin e Thriasios, ndërsa tjetri në atë të Korinthit. Dy shqiptarët kanë marrë plagë në këmbë.
