Vetura “Bentley” e paraqitur si e re në Doganat e Kosovës thuhet se i ka sjellë telashe të shumta Morena Tarakut. Të paktën kështu konstatojnë audio-incizimet e siguruara ekskluzivisht nga emisioni “Review”, ku dëgjohet biseda e ‘eskaluar’ e modeles me personin që ia kishte dhuruar makinën në vlerë prej 235-mijë eurosh, por që rezultoi e vjedhur.
Taraku nuk ka reaguar publikisht në lidhje me këtë gjë. Bazuar në atë që dëgjohet në audio-incizime, Morena ka shkuar deri në atë pikë sa ka paralajmëruar edhe tentim-vetëvrasjeje duke thënë se do t’i dalë trenit përpara. Ajo i ka bërë me dije personit në fjalë se do të lërë edhe një letër dhe se i gjithë faji do t’i mbetet atij.
“Jom tu t’u lutë n’krytë e (emër i njohur për redaksinë), çoma se pasha krytë e babait, treni i parë që vjen kom me i dal përpara edhe kom me lon letër te ******* që ti e ke bo.
Unë jom tuj t’lut çoma lokacionin, live. O çoma lokacionin.“ – dëgjohet duke folur me emocione, Morena.
Modelja që nga muaji tetor i vitit që shkoi (2019) ka qenë kryefjala e mediave, që në momentin kur u zbulua dosja e ngritur ndaj saj, e cila ishte mbyllur nga Prokuroria Themelore në Prishtinë pa asnjë lloj sqarimi.
Në anën tjetër Dogana e Kosovës ka vlerësuar se Morena ka tentuar t’i shmanget pagesës së taksës doganore, duke e paraqitur si të re makinën me mbi 2-mijë km.
Skandali u bë edhe më i madh, kur u kuptua se makina jo vetëm se nuk ishte e re, por ishte edhe e vjedhur. Policia e Kosovës e kishte konfiskuar menjëherë makinën, e cila dy javë më parë iu kthye pronarit në Gjermani.
