Atletico Madrid luan mbrëmjen e sotme, ora 21:00 kundër Granadës, në ndeshjen e vlefshme për javën e 23-të të La Ligas.
Skuadra e Simeones po kalon një sezon mjaft të dobët, diçka që në fakt ishte paralajmëruar duke pasur parasysh se në merkaton e verës nga klubi u larguan shumë futbollistë titullarë që luanin atje prej vitesh.
Duke folur për situatën në klub në prag të ndeshjes së kampionatit, Simeone deklaroi:
“Po punojmë që të përmirësohemi, duhet ta hedhim pas krahëve periudhën negative. Duam të tregojmë se jemi akoma gjallë. Nga ky moment e në vazhdim do të jenë vetëm finale, kemi një përgjegjësi të madhe”.
“Pres që publiku ta kuptojë momentin që po kalojmë dhe që skuadra ta kuptojë situatën në të cilën ndodhemi në kampionat. Kjo, për momentin, është gjëja më e rëndësishme”.
“Diego Costa? Është bashkuar me grupin në stërvitje, nuk është akoma gati për të zbritur në fushë. Është shumë e rëndësishme për ne ta kemi në dispozicion, do të jenë mjekët që do të na thonë kur do të jetë gati për të luajtur”.
