Schalke 04 ka barazuar me rezultatin 1-1 kundër Paderborn-it.
Të zotët e shtëpisë po fitonin deri në minutën e 81-të, pasi më herët kishte shënuar Kutucu në minutën e 63-të.
Golin për Paderbornin e shënoi mesfushori i kombëtares shqiptare, Klaus Gjasula, i cili kërceu fort dhe shënoi me kokë gjatë një goditjeje nga këndi. Gjithsesi kjo pikë e mban Paderbornin sërish në vendin e fundit.
Nga ana tjetër Freiburg rikthehet te fitorja pas dy humbjeve dhe e bën diçka të tillë në shtëpi përballë Hoffenheim.
Ekipi i Amir Abrashit, i cili luajti gjatë gjithë ndeshjes dhe u ndëshkua me karton të verdhë në minutat shtesë, triumfoi 1-0 falë golit të shënuar nga Waldschmidt në fundin e pjesës së parë.
