Në një burg të sigurisë së lartë në Frankland Durham, një gardiane e cila kishte një lidhje intime me një të burgosur është dënuar me dy vjet burg.
Sipas hetimit, 40-vjeçarja Stephanie Smithwhite kishte nisur një marrëdhënie intime me trafikantin e drogës Curtis Warren.
Smithwhite nga Boldon Colliery, kishte marrë dy vërejtje për sjellje të pahijshme në detyrë edhe më herët.
Në seancën gjyqësore në Durham, u tha se gardiania kishte bërë një tatuazh me emrin e tij.
Kolegët e gardianes ishin bërë dyshues për marrëdhënien e saj me të burgosurin dhe kishin nisur një inspektim.
Gjatë inspektimit u gjet se mes tyre shkëmbeheshin pusulla me përmbajtje erotike, madje u zbulua se kishin telefonuar njëri-tjetrin 213 herë në tre muaj.
Kur u mor ne pyetje nga detektivët, Smithwhite tha se ishte e “shkatërruar” qe lidhja e saj u zbulua, por shpresonte se ekzistonte një shans që marrëdhënia e saj mund të vazhdonte me te burgosurin.
Prokuroria e ka akuzuar gardianen se për të kryer marrëdhënie seksuale me të dënuarin kishte grisur edhe pantallonat e uniformës.
Gardiania Smitwhite e ka mohuar ne gjyq se kishte bërë një vrimë në pantallonat e saj të punës për qëllime seksuale, por gjykatësi tha se e kishte të vështirë të imagjinonte pse tjetër duhej të ishte vrima në pantallona.
