Një lajm i mirë vjen për pesë fëmijë të infektuar nga koronavirusi. Mësohet se ata janë shëruar nga virusi vdekjeprurës dhe kanë dalë nga një spital i qytetit Wuhan në provincën Hubei.
Gjithsesi, mjeku raporton se sistemi imunitar i tyre është ende i dobët, kështu që probabiliteti është i lartë që ata të preken nga infeksione të sistemit të frymëmarrjes.
Për pasojë, ata duhen mbajtur në karantinë për dy javë. Bëhet me dije se fëmijët e shëruar janë të moshës 2 deri 14 vjeç.
Gjithashtu, bëhet me dije se edhe një 91-vjeçar është shëruar nga virusi, shkruan “dailymail.co.uk”.
Plot 640 persona kanë ndërruar jetë nga koronavirusi, ndërkohë janë regjistruar më shumë se 31,500 raste në të gjithë botën.
