Edhe ditën e sotme (e enjte, 6 shkurt) temperaturat do vijojnë të ulen. Sipas Meteoalb, orët e para të ditës mbeten me vranësira të cilat në zonat malore veriore dhe lindore do të sjellin reshje të pakta dëbore. Por duke filluar nga mesdita dhe në vijim parashikohet të kemi përmirësim gradual të kushteve të motit.
Temperaturat e ajrit vijojnë të ulen në mëngjes dhe në mesditë duke luhatur vlerat minimale dhe maksimale nga -9°C në 8°C.
Era do fryjë mesatare në tokë dhe e fortë në det me shpejtësi 70 km/h nga drejtimi verior-verilindor duke sjellë në det dallgëzim 6 ballë.
