Një 36-vjeçar është prangosur nga uniformat blu pasi qarkullonte me pistoletë me vete në qytetin e Vorës.
Personi i arrestuar është shtetasi me iniciale E.T., 36 vjeç, banues në Durrës.
Sipas Policisë, “ky shtetas qarkullonte me automjetin e tij dhe gjatë kontrollit fizik dhe të automjetit, shërbimet e Policisë i gjetën në çantën e dorës një armë zjarri pistoletë, me 1 krehër me 7 fishekë”.
Gjithashtu bëhet me dije se në automjet udhëtonte edhe një shtetas tjetër si pasagjer, i cili në përfundim të veprimeve u la i lirë.
Materialet procedurale iu dërguan Prokurorisë pranë Gjykatës së Shkallës së Parë të Rrethit Gjyqësor Tiranë, për veprën penale ”Armëmbajtja pa leje”, për të cilën parashikohet dënimi deri në 7 vjet burgim.
