Këngëtarja e njohur Tuna Sejdiu dhe bashkëshorti i saj Patrisi po përfliten shumë në media për shkak se mendohet që dyshja i kanë dhënë fund martesës.
Ata janë prindër të një djali djali 3-vjeçar. Tuna dhe Patrisi nuk kanë reaguar lidhur me këto lajme, ndërsa detaje që janë pikasur në rrjetet e tyre sociale kanë bërë që zërat e ndarjes të përforcohen edhe më shumë.
Këngëtarja ka postuar në Instagramin e saj, shprehje e cila është ‘përkthyer’ nga media si një dedikim kundrejt partnerit të saj, Patrisit.
“Duket se vetëm bimët e hashashit të gjinisë femër prodhojnë gjethe. Meshkujt janë të panevojshëm…edhe si bimë”, shkruan Tuna.
Ajo ka hequr nga biografia e saj në Instagram edhe mbiemrin “Berisha”, duke nxitur thashethemet se lidhja 4-vjeçare ka përfunduar.
Kujtojmë që Tuna ka qenë e martuar edhe shumë vvite më parë dhe më pas u divorcua. Ky do të ishte divorci i dytë për Tunën.
