Producenti Harvey Weinstein prej disa muajsh është lajmi kryesor në mediat botërore, pas akuzave të shumë aktoreve, se i ka përdhunuar. Tashmë ai po përballet me akuzat në gjyq.
Një ditë më parë, në sallën e gjyqit janë shfaqur disa foto nudo të tij. Fotot janë parë nga anëtarët e jurisë. Ato u shfaqën pas përfundimit të dëshmisë që zgjati tre ditë, të dëshmitares kryesore, aktores Jessica Mann.
Jessica e përshkruajti trupin e producentit si të deferomuar dhe se nuk ka testikuj. Fillimisht, Mann tha se në fillim kishte menduar se ai ishte interseksual.
Prokurori i çështjes tha se fotot e tij janë parë vetëm nga anëtarët e jurisë dhe nuk janë shfaqur për pjesëtarët e tjerë në gjyq, pasi nuk donin ta poshtëronin Weinstein.
Mann, e cila e akuzon producentin e njohur se e ka përdhunuar tre herë mes viteve 2013-2014, ka pranuar se ka pasur një raport të çuditshëm me të. Kjo, duke qenë se në vitin 2017, ajo ka pranuar të bëjë seks konsensual me të, për ta ngushëlluar pas vdekjes së mamasë.
Ajo tha se ajo u takua me Weinstein dhe e gjeti të zhveshur në një shtrat, duke shtuar se “gjithçka që ai dëshironte të bënte, ishte diçka seksuale”.
“Unë mendoj se ai masturbohej në pasqyrë dhe ia mori vetes në gojë. Më neveriti dhe më solli përsëri disa kujtime të këqija” -tha ajo.
Në gjyq u publikua edhe një email, pas një takimi që Mann kishte pasur në një hotel me producentin e njohur. Ajo i shkruante atij “faleminderit shumë, ndjehem kaq përrallore dhe e bukur”.
Weinstein ia kthente “sa më sipër, aq më shumë”.
E pyetur nga një prej prokuroreve nëse kishte bërë seks konsensual, ajo tha se nuk e mbante mend. Mann tha se kishte pasur disa takime seksuale me producentin, por jo të gjitha ishin konsensuale.
Ajo u shpreh se njëherë e kapi atë duke e filmuar me telefon fshehurazi në një hotel, ndërsa ishte nudo.
Mann u pyet nëse e kishte përdorur producentin e njohur për të ecur në karrierë dhe për përfitime ekonomike, por ajo e mohoi këtë gjë. Ajo e pranoi dhe tha se:
“Unë jetoja në një garazh në Compton dhe nuk kisha asgjë, dhe më duhej ta përmirësoja jetën time”- ndaj dhe shkonte shpesh për vizitë tek Weinstein.
Ndërkohë Weinstein, në ditët në vijim, do të duhet të përballet edhe me akuzat për përdhunim, nga disa aktore të tjera.
