Werder Bremen ka fituar me rezultatin 3-2 përballjen ndaj Borussias së Dortmundit, duke eliminuar verdhezinjtë nga faza e 1/8-ve të DFB Pokal.
Werderi e mbylli pjesën e parë në avantazh të dyfishtë, falë golave të Selke dhe Bittencourt në minutat 16’ dhe 30’.
Në pjesën e dytë u aktivizua Erling Haaland duke zënë vendin e Hazard. Norvegjezi siç ka bërë në çdo ndeshje me Dortmundin, pati sërish një impakt të menjëhershëm duke ngushtuar diferencat në minutën e 67-të.
Por vetëm 3 minuta më vonë ishte Milot Rashica ai që shënoi golin e tretë për skuadrën e tij, gol ky që do të rezultonte vendimtar në fatet e ndeshjes. Golin e dytë për Dortmundin e shënoi Reyna por që në fund nuk do të kishte vlera.
Në sfidat tjera bie në sy eliminimi i Leipzig nga Eintracht Frankfurt me rezultatin 3-1, ndërsa Schalke 04 u kualifikua në shtesë kundër Herthës së Berlinit me rezultatin 3-2 ndërsa koha e rregullt u mbyll 2-2. Vendimtar ishte goli i Raman në minutën e 115-të.
