Ish-lojtari i Barcelonës, Samuel Eto’o, kërcënohet me burg nga mamaja e fëmijës së tij.
Ish-sulmuesi i famshëm i Barcelonës dhe Interit ka një vajzë 19-vjeçare (e njohur me emrin Erika) jashtë martese dhe akuzohet se nuk i ka përmbushur detyrimet financiare kundrejt saj.
Katalanasja “Sport”, që citon El Nacional, raporton se afrikani nuk është paraqitur në Gjykatë për të sqaruar përfundimisht këtë çështje. Në momentin e shtatzënisë, Eto’o shkëputi çdo raport me mamanë e vajzës dhe nuk është treguar korrekt me pagesat.
Gjykatësi vendosi korrikun e kaluar që ish-bomberi të paguante nga 1400 euro në muaj për ndihmë ushqimore ndaj vajzës së tij, por kjo nuk ka ndodhur.
