Shpallja e emergjencës globale për shkak të koronavirusit të ri bën që edhe Shqipëria duhet të marrë masat e veta.
Një thirrje për Edi Ramën vjen nga drejtuesi i emisionit “360 gradë”, Artur Zheji, i cili tha se kryeministri nuk duhet të merret me Rudina Hajdarin, por me rrezikun që vjen nga koronavirusi.
Artur Zheji: Masat që po marrin vendet e tjera janë mbrojtëse edhe për ne. Puna është sa kohë do jemi ne në sqetullën e masave që të tjerët marrin. Nuk kemi akoma një protokoll publik, presim ndoshta nesër në shtysën e deklarimit të emergjencës botërore nga OBSH. Shpresojmë ta bëjë kryeministri që te mos humbasë kohë me Rudina Hajdarin në Parlament, apo me ndonjë gjë tjetër, por të merret me këtë çështje për aq sa ka rrezik, për aq sa informojnë objektivisht që ka apo nuk ka rrezik për të futur infeksionin në Shqipëri.
