Tensione mes policisë dhe qytetarëve tek zona e “Medresesë” në kryeqytet.
Dhjetëra banorë po protestojnë, pasi banesat e tyre po shemben nga një aksion i sotëm i ndërmarë nga IKMT. Banorët janë shprehur për mediat se janë në proces gjyqësore dhe sipas tyre është e papranueshme që IKMT po fillon ndërhyrjen, pa pasur një përgjigje nga Gjykata.
Policia ndodhet në vendngjarje në mbështetje të aksionit të IKMT. Po ashtu, banorët që kundërshtojnë shembjen e objekteve, janë konfliktuar edhe me policinë. Forcat e rendit kanë nxjerrë me forcë qytetarët nga banesat.
Në lidhje me aksionin e sotëm, IKMT nuk ka bërë asnjë njoftim zyrtar për të lajmëruar nisjen e tij.
Banorët po ashtu kanë bërë me dije se janë njoftuar vetëm përmes një letre lënë në banesat e tyre, në të cilën u kërkohej të linin shtëpitë, pasi ato do të shembeshin. Disa prej tyre kanë treguar se nga bashkia iu është ofruar bonus strehimi për qera, por shuma monetare që iu ofrohet është shumë e ulët dhe nuk i mbulon shpenzimet reale të qerasë së shtëpisë. /BN/
