Kosovarja Kristiana Kuqi ka rrëmbyer vëmendje të madhe në rrjetet sociale muaj më parë.
Vajza nga Kosova postonte foto duke u puthur me meshkuj që nuk i njihte, por këtë e bënte vetëm për të pasur fotografi e momente interesante në Instagram dhe rrjetet e tjera sociale. Ajo ka realizuar foto të tilla në Romë, Paris e shumë qytete të tjera.
Vajza nga Kosova që puth meshkujt e ndryshëm në kryeqendra botërore po rrëmben vëmendjen e emisioneve të ndryshme televizive në Amerikë.
Së fundmi ajo është ftuar në shown e komedianit të njohur Steve Harvey.
Kristiana ka treguar se vjen nga Kosova, një vend që doli nga lufta. Ajo ka treguar se dëshironte të shijonte momentet në vende të ndryshme dhe të tregonte para njerëzve se gjoja po kënaqet teksa puthte meshkuj të ndryshëm në rrugë.
Kristiana thotë se është goxha punë e madhe t’i afrohesh një mashkulli, t’i kërkosh një puthje dhe pastaj t’i thuash ‘largohu tash’.
Ajo ka treguar se gjithçka nisi në Paris, gjatë një vizite me shoqëri. Sipas saj, shumë vajza të tjera e kanë provuar atë që ajo ka bërë, si një shenjë për të treguar lirinë dhe të mos paragjykohen nga ç’ka bëjnë.
Kristiana është studente e diplomuar në një kolegj në Amerikë, në bazë të postimeve të saj është një vajzë që ka udhëtuar shumë dhe ka njohur kultura të ndryshme.
